tunba

ni'o lo prenu poi ke'a dunsi'u lo ka ma kau rirni ce'u cu simxu lo ka ce'u tunba ce'u

la re mensi cu cinta pixra gi'e se finti la .ŭìli'ym.adòlyf.bugeròs. (to la'o fy. William-Adolphe Bouguereau .fy. toi)

ni'o so'e lo remna cecmu cu selne'i lonu lo tunba cu simxu kansa banro je kelci .i lo jgina je zvati kamjibni cu cafne krinu lonu lo tsali ke simxu cinmo cu farvi mu'a lo zazyprami .e lo zazyxebni .i lo rirni tarti .a lo jbena porsi .a lo menli cu kakne stika lo ka tunba terjo'e

tunba klesi

lo mulno tunba cu simxu kampu selrirni le remei prenu .i lo xadba tunba cu simxu kampu selrirni le pamei prenu .i lo terspe tunba cu simxu kampu befalo jgina be'o selrirni le nomei prenu gi'eku'ibo simxu kampu befalo terspe be'o selrirni le pamei prenu

ni'o puzu lo mulno tunba cu zmadu lo nalmu'o tunba lo ka cerda ce'u

ni'o lo'i pinxe befilo simxu kampu tatru be'o tunba cu simxu lonu le cifnu cu pinxe fi lo kampu tatru noi ke'a cu selpo'e lo ninmu poi ke'a cu nalmamta