.velikotrnovos.
ni'o la'o zoi. Велико Търново .zoi goi la .velikotrnovos. cu tcadu gi'e zvati lo bertymidju be lo bolgaro zei gugde .i zo'agve fa vy. la iantra ku noi ke'a rirxe .e lo berti korbi be la stara planina ku noi ke'a cmanytu'a .i vy. laldo ma'i tu'a lo tcadu pe lo bolgarogu'e gi'e ci moi lo ba'o raltca be by .i metfo fa vy. lo nu lo bolgarogu'e cu zifre gi'e jecta .i cu'u[1] lo catni de'i li ny. 2016 ly. 3 dy. 15 xabju la .velikotrnovos. fa 71 ki'o 168 remna
ni'o lo tumla pe lo tcadu cu se pagbu so'o cmama'a noi sepsi'u la iantra ku noi bu'u kruvycfu .i me lo bi'u nai cmama'a fa la sfetagora .e la .tsarevets. e la trapezitsa .i lo tarmi be lo tumla cu jai bapli lo nu lo dinju cu mo'e su'o na'e fadni va'e lo ka denmi .i jalge fa lo nu simlu fa su'o dinju lo ka cpana su'o drata dinju
ni'o ca ku la .velikotrnovos. cu raltca lo gugypau poi cmedu'i ri ku'o gi'e stuzi so'o truci'epau .i zvati vy. fa la balcu'e pe bu'u la .velikotrnovos. zi'e pe la .kiril. jo'u la .metodis. vu'o noi censa ku ji'a
ni'o lo vlakra be lo cmene
binxo.i lo cmene be lo tcadu cu se krasi zoi zoi. tĭrnŭ .zoi noi kampyslovo gi'e valsi lo si'o kinjipu .i me lo versiio be lo cmene be'o poi su'o roi lo nu lo tcadu cu zasti cu pilno ke'a ku'o fa zoi zoi. Трънов .zoi .e zoi zoi. Търнов .zoi .e zoi zoi. Трновград .zoi .i jmina zoi zoi. Велико .zoi noi smuni fa lo si'o banli ku'o de'i li ny. 1965 xoi nu basna lo banli citri be lo tcadu
ni'o lo citri
binxo.i jinvi lo du'u lo nu lo remna pa re'u xabju lo tumla cu se detri li ny. ni'u ji'i 3 ki'o gi'e zvati lo cmana po'u la trapezitsa ku ku sa'e .i su'o bramau be ru tcadysmi cu zvati la .tsarevets. gi'e zastyco'a ca lo fanmo be lo ransycedra pe'e je sa'e de'i li ny. ni'u ji'i 1300 gi'e zasti co'u lo fanmo be lo tirsycedra .i xabju lo go'i fa lo natmi po'u la .trak. i lo nu lo latmnroma jecta cu turni cu cfari de'i li ny. ni'u ji'i 600 gi'e tolcfa de'i li ny. ji'i 100 gi'e poi'i ze'a lo balvi be ke'a lo vi'usta be tu'a ke'a cu jdika lo ka gasfrili
ni'o ba tu'a di'u la .tsarevets. cu se xabju ze'a lo nu turni fa lo latmrbizanto kei xoi cfari de'i li ny. ji'i 400 gi'e tolcfa de'i li ny. ji'i 650 .i ca nu bu jai gau sruri lo tcadu fai su'o tsali mrabi'u noi se pi'o ke'a po'o nai bandu lo se ponse be lo latmrbizanto be'o pe bu'u lo balkano tumla .i ze'a nu bu . Bıttım Sabunu Fiyat e lo bavla'i be nu bu je nu turni fa lo bolgaro jecta pa moi cu banro fa lo tcadu ge lo ka vajni lo likni gi lo ka xabju fa xo kau da .i de'i li ny. ji'i 1000 di'a turni lo bolgaro gugde fa lo latmrbizanto jecta
ni'o de'i li ny. 1187 snada fa lo nu trupro fa la .asen. jo'u la .petr. kei lo ka famgau xoi ninke'u se'u lo nu lo latmrbizanto cu turni .i ca bo co'a turni fa lo bolgaro jecta re moi ku noi la .trnovos. ke'a raltca .i ze'a lo nu lo go'i cu turni zo'u lo tcadu cu misno lo menkini be lo trucu'upre jo'u lo jiknypre jo'u lo larpre bei lo ka me lo rontu'a moi ku gi'e stuzi pa ckule co pirfi'i .e pa ckule co ciskyfi'i vu'o ne la noi censa ku'o .eftimi jo'u la .te'odosis.
.jpg)
.jpg)
