albert. ainctain

.i la'o dy. Albert Einstein .dy. goi ko'a jbena fi li pavo pi'e ci pi'e pabizeso .i so'i le prenu cu jinvi le du'u ko'a traji lo ka vajni kei lo ka zmadu lo paso moi na'acto saske prenu .i ko'a finti le si'o saskrxotnositelnosti .i ko'a se cnemu fi la'e di'u la'o dy. 1921 Nobelpriset i fysik dy.

la .albert. .ainctain
.i jbena de'i	li 14 pi'e 3 pi'e 1879

.i ba le nu ca le nu detri fa li 1919 kei ku snada cipra le nu lo dizlo bapli pe le solri cu muvdu lo gusni kei kei ko'a terdi misno .i ca le nu ko'a dzena kei ko'a traji lo ka misno kei lo ka zmadu lo saske pe lo citri

.i le cmene be ko'a cu kulnu se smuni lo mencre

lifri

citno

.i ko'a jbena fi li 14 pi'e 3 pi'e 1879 fo la'o dy. Ulm, Württemberg, Deutsches Kaiserreich dy. .i la'o gy. Hermann Einstein gy. patfu ko'a .i la'o gy. Pauline Koch gy. mamta ko'a .i vi la'o gy. Stuttgart-Bad Cannstatt gy. la paulin. speni la xerman. .i le lanzu be ko'a cu xebro .i ko'a zvati le xrisrkatolika ckule .i ko'a tadni le nu zgiterca'a le jgita .i ko'a na nelci le tadni be tu'a lo jgita .i ku'i baku ko'a gleki le zgike be le nu la'o dy. Wolfgang Amadeus Mozart dy. zgiterca'a le jgita

.i ba le nu le nanca be li mu cu temci le te jbena be fa ko'a kei le patfu be ko'a cu jarco le makfartci ko'a .i ko'a djuno le du'u da bapli le nu le jesni cu muvdu .i baku ko'a cusku le nu go'i se manci ko'a .i ko'a jarco le nu mutce xamgu le ka kakne le cmaci kei .i ku'i ko'a masno cilre .i so'o le prenu cu jinvi le du'u ko'a sezga'o kei .a le du'u ko'a kaknrdislexo

.i ca le detri be li 1889 ku le mikce tadni poi zoi gy. Max Talmud gy. cmene ku'o cu jarco ko'a le se ciska be le pijyske se tcidu .e le saske se tcidu .i la'o dy. Kritik der reinen Vernunft dy. poi la'o dy. Immanuel Kant dy. ciska ku'o me pa le pijyske se tcidu poi la maks.talmud. jarco ko'a .i re le bruna be le rirni be ko'a cu xlura ko'a le nu lo za'i mencre cu cinri ko'a kei le nu vo'a stidi le cukta be lo cmaci .e lo saske .e lo pijyske ko'a

.i ko'a zvati la'o gy. Luitpoid Gymnasium gy. .i ba le nu le nanca be li pare cu temci le te jbena be fa ko'a kei ko'a cilre lo cmaci

.i ca le se detri be li 6 pi'e 1 pi'e 1903 ko'a speni la'o sy. Mileva Marić sy.