djirafa
| ?djirafa | ||||||||||||||
|---|---|---|---|---|---|---|---|---|---|---|---|---|---|---|
 | ||||||||||||||
| saske terganzu | ||||||||||||||
| ||||||||||||||
| Giraffa camelopardalis Linnaeus, 1758 |
lo djirafa cu friko ke relmeidegji sfumabru la'o ly. Giraffa camelopardalis .ly. gi'e clarai lo ro dertu xabju ke danlu jutsi .i lo nakni cu sraji mitre li 4.8-5.5 gi'e ka'e ki'ogra li 1,400 .i lo fetsi cu na'o milxe mleca fi lo ka mitre gi'e ki'ogra .i lo re cinse cu se jirna .i se tance lo clani je jairka'e noi blaxe'i ja'e lo nu bandu lo solri jelxai .i lo djirafa cu se cnebo lo clani noi pilno ke'a fi lo nu citka lo pezli be lo tricu .i lo crane tuple cu 10% mei clamau lo trixe tuple
ni'o lo djirafa cu ckini lo mirli .e lo bakni gi'e ku'i cmima lo drata lazyjutsi no'u la'o ly. Giraffidae .ly. noi gunma lo djirafa jo'u lo ri jbirai tamne no'u lo .onkapi .i lo djirafa cu kuspe xabju la .tcad. bi'i la nanfriko
lo frejutsi cmene no'u zoi ly. camelopardalis .ly cu se krasi lo clira ke latmo cmene noi skicu lo djirafa fo lo ka se ckaji ge lo ka kumte gi lo ka tirxrleopardu .i zo djirafa cu se krasi lo xrabo valsi po'u zoi xy. الزرافة .xy. noi te vlabacru zoi zoi ziraafa zoi gi'e se smuni lo selzba to be fi lo danlu toi .a lo rajycla
jikca stura .i nu rorci .i cinse se tarti
binxolo fetsi djirafa cu se cecmu lo ji'i pa re mei noi so'u roi se cmima lo so'u citno nakni .i lo nakni cu na'o se bende .i ku'i lo tolci'o nakni cu so'i roi nonkansa jmive .i lo djirafa cu sorspe ke panzi cupra .i lo so'u tolci'o nakni cu rorci fi lo ro ferti fetsi pe lo bende
ni'o lo djirafa nu paznerbei cu masti li 14-15 .i ba bo lo pa mei panzi cu jbena .i lo mamta cu sanli se jbena .i lo tarbi dakli cu spoja ca lo nu lo cifnu cu farlu lo loldi .i lo zi jbena djirafa cu mitre li ji'i 1.8 .i lo cifnu za lo cacra be li so'u ba lo nu jbena cu bajra gi'e na frica lo jeftu cifnu .i ku'i ze'a lo pa moi jeftu be li re cu so'e roi vreta lo loldi gi'e se kurji lo mamta .i lo makcu djirafa cu dukse lo ka barda kei lo ka se gunta lo so'e kalte .i ku'i lo citno cu kakne lo nu se kalte lo cinfo .e lo tirxrleopardu .e lo krokuta .e lo gernlikaone .i lo 25% mei bi'i 50% mei be lo djirafa cifnu cu snada lo nu makcu binxo .i lo jmive se kanpe cu nanca li 20-25 va'o lo nu zifre kei .e li 28 va'o lo nu pinfu
ni'o lo nakni cu so'i roi cnebo tarti .i lo cnebo se tarti ka'e nu damba kei gi'a nu cinse kelci .i lo nakni mitcinse nu gletu cu zmadu lo datcinse se tarti .i zu'u nai lo femti cu so'u roi mitcinse gletu
drata se tarti
binxolo djirafa cu citka lo pezli be lo tricu gi'e ku'i kakne lo nu kufra se cidja lo drata stagi .i lo djirafa cu kakne lo nu citka lo ki'ogra be li 63 ze'a lo djedi
ni'o lo djirafa cu ta'e cadzu .i ku'i ca lo nu se jersi cu kakne lo nu mutce sutra bajra .i na kakne lo nu renvi lo nu ze'u se jersi
ni'o lo djirafa cu sezbandu lo ckape ta'i lo nu tsali tikpa .i lo pa mei ke xamgu nuntikpa be lo makcu djirafa cu kakne lo nu pofri'a lo sedbo'u be lo cinfo
ni'o lo djirafa cu nitcu lo mutce cortu ke sipna temci noi mentu li 10 ji'i cacra li 2 ze'a lo djedi .i la'e di'u cu jicmu lo ranmi be lo nu lo djirafa ga nai vreta gi mrobi'o
ni'o lo djirafa cu ta'e smaji gi'e ku'i ka'e cmoni
djirafa vipfrejutsi
binxo
- G.c. reticulata
- G.c. angolensis
- G.c. antiquorum
- G.c. tippelskirchi
- G.c. camelopardalis
- G.c. rothschildi
- G.c. giraffa
- G.c. thornicrofti
- G.c. peralta