la .linys. .torvoldz.

.i tsuuomno joi merko samtcifi'i
(Redirected from du la .linys. .torvoldz.)

ni'o la .linys. .torvoldz. goi ly. du la'o zoi. Linus Benedict Torvalds .zoi .i ly. jbena fi li ny. pa so xa so ly. pa re dy. re bi .i ly. kulnrsu'omi joi merko .i ly. skezu'e lo samtci .i ly. ralju favgau la .linuks. noi samcmuralju je pu co'a se pilno so'i me la .linuks. ku samcmu cei broda .i la .android. je la .kromo'es. cu mupli lo ka ce'u broda .i ly. finti la .git. ji'a noi fatri ke farvi jitro ciste je la .sypsrfys. noi samtci lo nu vreji ja platu fi lo nu nityjirkla .i la .teknaladjis. .akademis. .finland. pu cnemu ly. fa'u la'o zoi. 山中 伸弥 .zoi lo ka ce'u pu finti pa zifre samcmu poi cnino kei fa'u zo'e la'o zoi. Millennium-teknologiapalkinto .zoi pe li ny. re no pa re .i ji'a cnemu ly. fo la'o zoi. IEEE Computer Society Computer Pioneer Award .zoi pe li ny. re no pa vo ge'u je la'o zoi. IEEE Masaru Ibuka Consumer Electronics Award .zoi pe li ny. re no pa bi

.i la .linys. .torvoldz. cu zvati la .linukskan. .iurop. pe li ny. re no pa vo

nunji'e .i jibri binxo

krasi nanca binxo

ni'o ly. no'u la .linys. .torvoldz. pu jbena fi li ny. pa so xa so la .xelsinkis. pe lo gugdefu'i .i ly. panzi la .anas. .torvoldz. je la .nils. .torvoldz. vu'o noi na'o te nuzba .i ly. se riryrirni la'o zoi. Leo Törnqvist .zoi noi skepre lo lairtcinyske ku'o je la'o zoi. Ole Torvalds .zoi noi na'o te pemci .i ro rirni be ly. pu trucu'u mutce va la'o zoi. Helsingin yliopisto .zoi noi balcu'e ku'o ca lo dekna'a poi cfari ca li ny. pa so xa no .i lo lanzu be ly. cu cmima lo xabme'a poi se bangu lo bansuve'e .i ly. se mitcmepre la .linys. .polin. noi merko je cu skepre lo xumske je cu se cnemu fo la .nobel. .praiz. .i ku'i ly. cusku fo la'o zoi. Rebel Code: Linux and the Open Source Revolution .zoi noi cukta ku'o fe lo se du'u pe'i dai la .linys. poi selylispre la .pinyts. ji'a cu dunli mitcmepre ly. kei je lo se du'u pe'a ly. se cnemu be fo la .nobel. .praiz. ku ke xumske skepre je cu ji'a ralte be lo ckagai ku selylispre