dys.uar.yv.dys.uyrldz.

ni'o la dys.uar.yv.dys.uyrldz. goi ko'a saske cfika cukta lisri fi la'o gy. H.G. Wells gy. .i ko'a ckupra ca lo 1898moi nanca .i lo prenu noi lo cmene be ke'a na se cusku ku'o .e lo bruna cu pamoi prenu terlisri lonu so'o lo fange pe la mars. klama lo terdi kei ko'a .i ko'a se finti ca'o lo 1895moi nanca bi'o lo 1897moi nanca .i so'umoi liryrai fo lo'i lisri be loka lo terdi prenu cu damba lo fange be lo terdi

ni'o re da pagbu ko'a .i lo pamoi pagbu cu cmene lu loka lo prenu pe la mars. klama li'u .i la remoi pagbu cu cmene lu lonu lo prenu pe la mars. turni lo terdi .i lo terlisri cu pijyske ciska finti gi'e se nandu lonu xruti lo fetspe ca lonu viska lonu lo fange pe la mars. daspo lo snanu be lo gligu'e .i ji'a la pamoi pagbu cu ciski lo fasnu pe lo bruna noi ge ke'a ciski lo fasnu be vi la lyndyn. gi ke'a rivbi lonu lo fange pe la mars. cu catra ke'a kei lonu klama lo bloti va la telinxam. vi lo xaskoi be fi la eseks.

ni'o lo se lisri cu ckini lo damba cukta pe lo temci .i smujmi fa lo pinka be loka mivfarvi kei .e lo gligu'e .e loka terpa kei .e lo selbavpai .e lo terpa selkrici .i ca lonu ko'a se ckupra kei klegau lo saske pamyzautra .i ko'a sopselnei gi'e xlura .i jicmu so'o lo skina .e lo cradi jarco .e lo tivni jarco .e so'o lo xajmi cukta .i ko'a xlura lo se gunka be la rabyrt.xytcenz.

lisri

lonu lo prenu pe la mars. klama

ni'o loka spoja vi lo sefta be la mars. kei se zgana vi lo kesyske zgadi'u poi stuzi fa la'o gy. Ottershaw gy. .i go'i krinu lonu lo saske girzu cu cinri .i le falplini cu ba tumkla la'o gy. Horsell Common gy. noi jibni lo zdani be lo terlisri goi ko'e ge'u poi nenri la'o gy. Woking, Surrey gy. ku'o loka lijnilcla .i lo terlisri cu fakci lodu'u tolrarna slanu fa le falplini noi ge karcu'i gi nenri ke'a fa lo prenu pe la mars. ge'u noi ge barda gi ge grusi gi ge ctile bunre skapi gi ge simsa lo cribe loka cisni kei gi kansa ge re lo manku kanla gi lo tebtolkansa moklu noi so'o lo tu'urbirka sruri .i ko'e cu pensi lo du'u ge lo prenu pe la mars. ge'u carmi gi ge na remna gi cizda'u .i lo prenu pe la mars. ze'i muvdu lo bartu be lo slanu gi'e se nandu lonu nenri lo varxamsi be lo terdi kei gi'e se'ixru lo slanu .i lo girzu be lo remna cu klama lo clanu gi'e kansa lo blabi lanci .i ku'i lo prenu pe la mars. pilno lo glare xarci lonu jelgau lo girzu be lo remna .e lo drata remna be viku .i lo bilni cu klama ca lo nicte gi'e sruri la'o gy. Horsell Common gy.

ni'o ba lonu ge carmi celgunta vi la'o gy. Horsell Common gy. gi lo tcadu cu se tolprali fi lo glare xarci noi suksa celgunta ca lo dormijbalvi kei ko'e cu muvgau lo fetspe la'o gy. Leatherhead gy. noi lo tamne cu xabju gi'e se'ixru la'o gy. Woking gy. ca ge lo vlile lindi bo cicti'a gi lo clira cerni .i vi lo dargu ca lo galraipau be lo cicti'a ko'e cu viska lo jamna minji pe la mars. .i ko'e xalni gi'e maxgau fi lo jbera marce gi'e rivbi lonu lo prenu pe la mars. ganse ko'e .i ko'e fakci lodu'u lo prenu pe la mars. zbasu lo damba minji noi ge ci da tuple gi kansa lo glare xarci .e lo xukmi xarci noi lu xekri danmo li'u cmene .i lo cibtu'e cu catra lo jenmi prenu vi lo slanu gi'e gunta gi'e daspo so'a la'o gy. Woking gy. .i vi lo zdani ko'e viska lo sonci noi ge muvdu vi lo purdi gi cusku fi ko'e fe lo selfri .i lo sonci cu cusku lodu'u lo slanu cu klama lo jbini be la'o gy. Woking gy. joi la'o gy. Leatherhead gy. kei noi fanta lonu ko'e se'ixru lo fetspa .i ko'e .e lo sonci cu troci lonu rivbi fi la'o gy. Byfleet gy. kei bazi lo cermurse .i ku'i ko'e sepbi'o lo sonci vi la'o gy. Shepperton to Weybridge Ferry gy. ca lonu lo prenu pe la mars. gunta vi la'o gy. Shepperton gy. ca lo dormijbalvi .i pa lo damba minji pe la mars. se pofgau lo bilni vi la'o gy. River Thames gy. ca lonu ko'e .e so'o lo remna troci lonu kucmu'u la'o gy. Middlesex gy. fo lo rirxe ca lo prenu pe la mars. klama lo krasi falplini kevna .i go'i cumki lonu lo bilni cu pilno so'o lo cacra lonu bandu la'o gy. London gy. .i ba lonu lo prenu pe la mars. klama lo falpilni kevna kei ko'e fluta lo rirxe fi'o pilno lo bloti .i ko'e sisti vi la'o gy. Walton gy. gi'e penmi lo jdaca'i noi ko'e kansa ca so'o lo jeftu