ni'o lo glibau goi ko'a cu bangu jutsi lo stici dotco lo dotco lo xinjoiro'o gi'e ralju bangu ne'i lo ritygu'e .e lo mergu'e .e so'i lo gligu'e fi'o cmima lo sralygu'e .e lo kadnygu'e .e la maltas. .e la nus.zilynd. .e lo purci brito posygu'e

cartu be lo glibau
EN (ISO 639-1)

ni'o ko'a traji lo ka kampu veltavla kei fo ro lo bangu fi'o jbena tavla klani li 380ki'oki'o .i lo jugbau .e lo xinbau .e la'a cu'i lo sanbau cu zmadu lo glibau lo ni jbena tavla fo ce'u .i ko'a manri bangu ne'i so'i lo terdi pagbu ki'u le za'i lo bilni .e lo dinci'e .e lo saske .e lo jecra'a .e lo kulnu cu selxlura lo brito sosygugje'a to ca lo 17moi na'acto .e lo 18moi na'acto .e lo clira 19moi bo na'acto toi .e lo mergu'e to ca lo 19moi na'acto .e lo 20moi na'acto toi

citri binxo

to lu citri lo glibau li'u ralju ci'arvelski toi

ckini bangu binxo

ni'o glico ckini ke cnino mixre bangu mu'u la tok.pisin. .e la beslamas.

ni'o lo kotybau cu traji le ka jibni ckini kei fo ro lo bangu .ije lo me la frEsi,an. bangu cu remoi traji .i lo drata bangu cu ckini lo glibau fi'o cmima lo dotybau .e lo dizlo dotybau .e la nEderliants. .e lo me la skyndenEIvi,an. bangu .e la afrekAns. [na gendra]

valsi selcmima binxo

ni'o so'i le valsi poi dotco krasi ke'a to cmima fa so'a le sampu valsi toi cu tordu zmadu le valsi poi latmo krasi ke'a

ni'o ka'e cuxna fi le dotco ce le latmo simsa bo valsi bau lo glibau .i [na gendra]

glico valsi klani binxo

ni'o le valsi selcmima cu barda lo ka klani .i le valsi liste cukta be me'e zoi gy. Oxford English Dictionary .gy cu liste lo'i munonoki'o valsi