kalabrian.xesybau

ni'o lo me le xesybau pe la kaliabrias. goi ko'a no'u la'o .ital. Greco-Calabro .ital. cu talno xesybau la kaliabrias. seba'i le du'u lo me lo xesybau pe la salentinas. no'u la'o .ital Grecìa-Salentina .ital.

stuzi cartu lo me la .italian. xesybau tutra

ni'o du'o la .etnolog. poi cukta lo bangu liste la'o gy. SIL International gy. ku'o ko'a cu jutsi lo cabycedra xesybau goi ko'e .i lo jalge be le du'u go'i cu selsenpi krinu le nu ko'a cu sepli je panra be ko'e be'o farvi fi lo me lo cedrnbizanti xesybau .e lo dzena xesybau

ni'o le nu lo ko'a valsi liste cu ralju banro cu tolfau po'o le du'u ko'a selpilno fi sampu jmive cusku fi'o claxu selpilno lo catni ja cukta ja lijda bangu

canci pruce

mijycedra canci bo pruce

ni'o ko'a cu veltavla fi'o tutra lo me la kaliabrias. snanu pu'o lo 14moi ja 15moi na'acto gi'e masno selbasti lo bangrkalabri noi ke'a cu la'orpanzi bangu .iku'i ko'a xlustika lo bangrkalabri lo gerna .e lo vlaste

bapli befalo sidbrfaci be'o tolveltavla

ni'o le nu le sidbrfaci cedra ne'i la .italian. cabna le nu le nu lo bangu xabme'a prenu cu pilno lo selrirni veltavla cu tsali tolselzanru lo sidbrfaci catni cu krinu lo ko'a pilno

cabna zazypilno

ni'o ko'a cu veltavla tu'i so lo pe la bovesias. tcadu fi'o vasru la bovas. superiores. .e la roguudis. .e la galitcianos. .e la tcorios. dis.roguudis. .e la bovas. marinas. .e la rejios. kalabrias.

ni'o ji'i reki'o lo prenu cu tavla fo ko'a

steci

ni'o ko'a cu simsa ko'e le ka so'e steci .i ko'a cu frica ko'e le ka ga pilno lo me la dorik. xesygu'e gi lo fanmo lerfu no'u zo s. cu cafne canci to mupli le nu la'o xy. gaidaros xy. to xasli toi cu binxo la'o xy. gadaro xy. kei ne'i ko'a toi gi lo balvi temci tcita cu tolzasti .i ralju steci lo za'i ko'a pilno lo latmo lerfu selcmima .enai lo xelso lerfu selcmima