madjan

la .madjan. cu jungo se krasi selkei gi'e preja lo munje co'a lo pasomoi na'acto

tapla

.i my ta'e gunma lo 144 tapla be lo mudri .a lo bongu .a lo slasi

.i 36 tapla cu cmima lo cukla ja sicni girzu

.i 36 tapla cu cmima lo bambusa ja si'icto girzu

.i 36 tapla cu cmima lo lerfu ja si'irctocto girzu

.i 16 tapla cu brife tapla fa lo stici jo'u lo snanu jo'u lo stici jo'u lo berti

.i 12 tapla cu drakone tapla fa lo xunre drakone jo'u lo crino drakone jo'u lo blabi drakone

.i 4 tapla cu xrula tapla fa lo pamai flaume jo'u lo remai .orkidi jo'u lo cimai krisantemo jo'u lo vomai bambusa

.i 4 tapla cu citsi tapla fa lo pamai vensa jo'u lo remai crisa jo'u lo cimai critu jo'u lo vomai dunra

.i ro xrula tapla .e ro citsi tapla cu pamei se steci .i ro drata tapla cu se fukpi vo da

.i lo tapla pe lo ci girzu to cukla jo'u bambusa jo'u lerfu toi cu namcu se tcita li pa bi'i li so

tapla morna

la .pon.

ni'o la .pon. no'u lo cimei cu gunma lo ci dunsi'u tapla

.i mu'a lo blabi drakone me la .pon.

.i mu'a lo stci brife me la .pon.

.i mu'a lo bambusa me li ze me la .pon.

la .kon.

ni'o la .kon. no'u lo vomei cu gunma lo vo dunsi'u tapla

.i mu'a lo crino drakone me la .kon.

.i mu'a lo snanu brife me la .kon.

.i mu'a lo cukla me li vo me la .kon.

la .tcaus.

ni'o la .tcaus. no'u lo cimei porsi cu gunma lo ci grimitsi'u je je'irsi'u tapla

.i mu'a lo cukla me li pa jo'u li re jo'u li ci me la .tcaus.

.i mu'a lo bambusa me li ze jo'u li bi jo'u li so me la .tcaus.

.i mu'a lo lerfu me li ci jo'u li vo jo'u li mu me la .tcaus.

.i za'a na cumki fa lo nu zbasu la .tcaus. lo drakone .a lo brife

la .madjan.

ni'o ro kelci cu troci lo nu zbasu la .madjan. tezu'e lo nu jinga lo nunkelpau .i lo kelci ca lo nu ba'o lebna lo tapla le bitmu gi'a cpedu ty lo tolyle'a cu jgari 14 tapla le xance .i la .madjan. cu morna lo 14 tapla lo vo cibjavyvonmei morna to la .pon. .a la .kon. .a la .tcaus. toi jo'u lo dunsi'u tapla remei noi se cmene lu kanla remei li'u .i lo vomoi tapla pe la .kon. .e lo xrula ja citsi tapla na pagbu lo se kancu be li 14

.i di'e mupli la .madjan.

nunfarvi be lo nunkei

ni'o lo javni pe le selkei cu cnekansa lo diklo .i lo vo prenu cu kelci .i lo jicmu cu javni lo nu zbasu lo vo tapla selcmi noi porsi cimei lo mintu girzu tapla gi'a cimei ja vomei lo dunsi'u tapla .i lo xrula jo'u citsi tapla noi prali fi lo nu ponse ke'a cu na ro roi se pilno .i ro kelci cu pamei jenai se bende .i lo nunkelci cu porsi fi lo nunkelpau noi ro ke'a cu se jinga pa lo vo kelci .i lo jinga be lo nunkelpau cu cpacu lo kelsi'i lo te jinga ca lo nu ny mulno .i ca lo fanmo cu jinga fa lo kelci poi traji lo ka ponse lo kelsi'i

brife fatri

ni'o pu lo nu cfari kei ca lo nu lo vo kelci cu ba'o tsebi'o kei lo vo brife cu fatri lo kelci .i ro kelci cu renro lo nacykubli .i lo kelci poi cpacu lo brarai namcu cu se tcita zo stuna .i lo kelci poi pritu le stuna cu se tcita zo snanu .i lo ragve be le stuna cu go'i zo stici .i lo zunle cu go'i zo berti

nunkelpau jo'u nunkelpaugri

ni'o lo nunkelpau cu nu lo tapla cu fatri gi'e se muvgau co'u lo nu ga pa lo kelci cu jinga ta'i lo nu zbasu la madjan gi ro bitmu tapla cu ba'o se vimcu .i ro nunkelpau cu ckaji lo brife noi jitro .i le pamoi nunkelpau cu se jitro lo stuna .i lo jitro brife cu renvi lo nunkelpaugri no'u lo vo nunkelpau .i ba lo stuna nunkelpaugri lo snanu nunkelpaugri cu cfari .i li'o .i lo sevzi brife pe lo kelci cu cenba ca ro nunkelpau .i ru'a .abu kelci gi'e stuna ca le pamoi nunkelpau .i di'e cartu lo nu cenba fa lo jitro brife .e lo sevzi brife


nunkelpau	jitro brife	sevzi brife co me .abu
1	stuna	stuna
2	stuna	snanu
3	stuna	stici
4	stuna	berti
5	snanu	stuna
6	snanu	snanu
7	snanu	stici
8	snanu	berti
9	stici	stuna
10	stici	snanu
11	stici	stici
12	stici	berti
13	berti	stuna
14	berti	snanu
15	berti	stici
16	berti	berti

.i lo nu snada lo nu ponse lo selcmi be lo jitro brife .a lo sevzi brife cu vajni lo kelci lo nu lo kelsi'i cu zenba .i ca lo nu lo sevzi brife cu mintu lo jitro brife kei lo brife cu remei gi'e zabna tcini .i lo stuna cu remei brife va'u lo stuna kelci ca lo pamoi nunkelpau

.i ma'i le cartu ro nunkelpaugri cu gunma lo vo nunkelpau .i ku'i ba lo nu lo stuna kelci cu jinga lo nunkelpau kei syky cu za'ure'u stuna .i se ki'u bo lo nunkelpaugri ka'e gumna lo za'uvo nunkelpau .i lo nunkelci cu gunma lo vo nunkelpaugri .i seki'ubo lo nunkelci cu gunma lo su'o paxa nunkelpau

nunfarvi be lo nunkelpau

bitmu zbasu

ni'o ro tapla zo'u lo crane cu cnita .i ba bo lo kelci cu xregau .i ba bo zbasu lo bitmu lo ro tapla .i lo bitmu cu kurfa .i ro mlana cu linji lo 18 derxi be lo re tapla .i ro tapla cu stali lo nu lo crane cu cnita

bitmu kargau gi'e tapla fairgau

ni'o lo stuna kelci cu renro lo ci nacykubli .i syky to'e julfa'a kancu lo bitmu mlana co'a lo stuna lo se cpacu namcu tezu'e lo nu jdice lo du'u co'a lebna lo tapla lo makau mlana .i mu'a lo nu cpacu li ze cu se jalge lo nu co'a lebna fi lo stici mlana to lo stuna pamai lo snanu remai lo stici cimai lo berti vomai lo stuna mumai lo snanu xamai lo stici zemai toi

ni'o ca lo nu ba'o cuxna lo bitmu mlana poi co'a te lebna lo tapla kei lo kelci pe le mlana cu kancu lo tapla derxi co'a lo pritu kojna lo namcu poi pu se cpacu .i mu'a bi'unai lo stici kelci cu kancu co'u lo zemoi darxi .i co'a ri lo stuna kelci cu lebna vo tapla to lo zemoi jo'u bimoi derxi toi gi'e punji ty lo crane be ky .i ba bo lo snanu kelci cu lebna vo tapla to lo somoi jo'u panomoi derxi toi .i ba bo lo berti cu go'i .i ba bo lo stici cu go'i .i la'e di'u rapli li ci ja'e lo nu ro kelci cu ponse 12 tapla .i ba bo ro kelci co'a lo stuna cu lebna pa drata tapla ja'e lo nu ro kelci cu ponse 13 tapla .i romai lo stuna kelci cu lebna pa romoi tapla ja'e lo nu ge lo stuna brife cu ponse 14 tapla gi ro drata cu ponse 13 tapla .i lo nunkei cu cfari

ni'o lo ze derxi poi fanmo le bitmu to lo 14 romoi tapla toi cu morsi bitmu gi'e se pilno fi lo nu lebna lo tapla ja'e lo nu mulgau la kong gi'a jarco lo xrula .a lo citsi .i va'o lo nu lo morsi bitmu tapla po'o cu stali kei lo nunkelpau cu mulno

kelka'u be lo kelci

ni'o ca lo nu ba'o fatri lo tapla kei lo stuna kelci cu ponse 14 tapla .i ba bo syky tolyle'a lo se ponse tapla gi'e punji ty lo se sruri be lo bitmu ja'e lo nu lo crane cu gapru .i la'e di'u sinxa lo nu ge lo syky kelka'u cu mulno gi lo kelka'u be lo kelci poi pritu syky cu cfari .i ky lebna lo pamoi be lo bitmu tapla be'o noi zunle be lo bitmu kevna .i ba lo nu lebna kei ky ponse 14 tapla gi'e cuxna pa tapla gi'e tolyle'a .i lo kelka'u be lo pritu be ky cu jersi .i li'o lo kelci cu roroi lebna lo pamoi tapla lo zunle be lo kevna be lo bitmu .i li'a lo tapla poi gapru cu se lebna pu tu'a lo tapla poi cnita .i lo kelka'u porsi be lo nu lo pritu cu jersi ka'e se zunti lo nu lo kelci cu lebna lo tapla poi lo drata kelci pu zi tolyle'a

ni'o la .pon. .a la .kon. .a la .tcaus. vu'o poi lo kelci cu jgari ke'a lo xance ja'e lo nu ga zu'u ke'a jbini lo krasi se fatri tapla gi zu'unai ke'a se zbasu fi lo se lebna tapla cu se tcita zo mipri .i lo mipri me la .pon. .a la .tcaus. cu na se jarco fi lo drata kelci gi'e stali lo xance co'u lo nu lo kelci cu zbasu la .madjan. .i lo mipri me la .kon. ja'a se jarco ki'u lo nu lo kelci cu nitcu lo nu lebna lo drata tapla kei lo nu mulgau lo vo se zbasu joi lo remei .i lo kelci va'o lo nu ponse lo mipri me la .kon. cu bilga lo nu jarco pu lo nu co'u mulgau lo kelka'u .i co'i lo kelka'u lo kelci cu punji lo vo tapla pe la .kon. lo crane be vo'a gi'e lebna lo drata tapla le morsi bitmu .i lo re fanmo tapla pe la .kon. cu crane lo gapru .ije lo re midju tapla cu crane lo cnita .i la'e di'u sinxa lo nu la .kon. cu mipri ki'u lo nu se zbasu secau lo nu lo drata kelci cu sidju

ni'o lo kelci co'a se kelka'u ca lo nu lebna lo pa tapla le bitmu kei gi'e zasni jgari lo 14 tapla le xance gi'e co'u se kelka'u va'o lo nu na zbasu la madjan kei ca lo nu tolyle'a lo pa tapla gi'e xruti lo nu jgari lo 13 tapla .i ku'i so'iroiku lo kelci djica lo nu lebna lo tapla poi lo drata kelci pu tolyle'a .i lo javni cu curmi la'e di'u la'e di'e

zbasu la .pon.

ni'o ca lo nu lo kelci cu tolyle'a lo tapla kei lo drata kelci poi jgari re tapla poi dunli le se tolyle'a tapla cu zifre lo nu cpedu le se tolyle'a tapla ta'i lo nu cusku zo .pon. .i lo kelci porsi cu se dicra .i lo kelci poi cpedu cu se kelka'u gi'e bilga lo nu punji le cimei le jubme gi'e tolyle'a lo tapla le xance .i la .pon. noi tolmipri cu stali co'u lo fanmo be lo nunkelpau lo nu se jarco .i ba bo kelka'u lo kelci poi pritu lo cpedu

zbasu la .kon.

ni'o lo nu zbasu la .kon. cu panra lo nu zbasu la pon lo ka lo cpedu cu jgari vo fa'u ci tapla poi dunli lo se tolyle'a tapla .i la .kon. noi tolmipri cu stali co'u lo fanmo be lo nunkelpau lo nu se jarco .i ro lo vo tapla pe la .kon. noi tolmipri cu crane lo gapru .i lo kelci poi cpedu lo tapla lo nu zbasu la .kon. cu lebna lo pa drata tapla le morsi bitmu gi'e ba bo tolyle'a lo pa tapla

zbasu la .tcaus.

ni'o lo kelci poi pritu lo tolyle'a cu se steci lo ka zifre lo nu cpedu lo se tolyle'a tapla lo nu zbasu la .tcaus. .i seni'ibo lo nu cpedu lo tapla tu'a la tcaus na zunti lo kelka'u porsi .i lo kelci poi cpedu lo tapla lo nu zbasu la .tcaus. cu bilga lo nu jgari lo re drata tapla pe la .tcaus. .i ky cpedu ta'i lo nu cusku zo .tcaus. .i la .tcaus. noi mipri cu se punji fi lo jubme gi'e stali co'u lo fanmo lo nu se jarco .i va'o lo nu ge lo kelci cu djica lo tapla lo nu zbasu la .tcaus. gi lo drata cu djica ty tu'a la .pon. .a la .kon. cu snada fa lo me ky .a py moi

zbasu la .madjan.

ni'o lo kelci poi nitcu lo pa tapla lo nu zbasu la madjan cu zifre lo nu cpedu ca lo nu ty se tolyle'a ro lo drata kei ta'i lo nu cusku zo .madjan. .i lo kelci cu lebna ty ije lo nunkelpau cu mulno .i va'o lo nu ge lo kelci cu djica lo tapla lo nu zbasu la .tcaus. .a la .kon. .a la .pon. gi lo drata cu djica ty tu'a la madjan cu snada fa lo me my moi .i va'o lo nu lo za'upa kelci cu djica lo tapla lo nu zbasu la madjan cu snada fa lo lidne be lo drata bei lo kelka'u porsi be lo nu jersi lo tolyle'a be ty .i za'a ro tapla ka'e se cpedu tezu'e lo nu zbasu la madjan .i ji'asai go'i fa lo tapla pe lo kanla remei

nunkelpau fanmo

ni'o lo nu lo nunkelpau cu farvi cu ca'o xaksu lo tapla pe le bitmu .i lo nunkelpau cu mulno ca lo nu pa lo kelci cu snada lo nu zbasu la .madjan. lo tapla poi ky ponse .i ku'i va'o lo nu ro tapla pe le na'e morsi bitmu cu se xaksu secau lo jinga kei lo cnino nunkelpau cu cfari

ni'o ca lo nu lo nunkelpau cu mulno cu kanji lo kelsi'i poi lo jinga cu cpacu ke'a ro lo te jinga

ni'o va'o lo nu lo stuna kelci cu jinga kei lo brife na carna .i va'o lo drata lo brife cu to'e julfa'a carna .i va'i lo stuna cu binxo lo berti .ije lo snanu cu binxo lo stuna .ije lo stici cu binxo lo snanu .ije lo berti cu binxo lo stici .i va'o lo nu no da jinga kei lo brife na carna

ni'o xregau fi lo tapla .i lo cnino nunkelpau cu cfari

kelsi'i

ni'o ca lo nu lo nunkelpau cu mulno cu kanji lo selni'i poi lo zbasu be la madjan cu jinga ke'a .i ro te jinga kelci cu pleji lo se kanji .i lo kelci poi tolyle'a lo tapla poi se pilno lo jinga lo nu mo'u zbasu la madjan cu pleji lo remei be lo se kanji .i va'o lo nu lo jinga cu lebna lo romoi tapla lo bitmu kei ro te jinga cu pleji lo remei be lo se kanji

kanji la fa'an

Las reglas que a continuación se exponen van ordenadas en número de faan. Estas reglas no son excluyentes entre sí, y de hecho se aplicarán todas las que sea posible a cada mahjong; se van indicando los faan obtenidos, y a continuación las circunstancias que propician este logro. Por otra parte, hay que tener en cuenta que cuando se hable de combinaciones vistas u ocultas nos referiremos siempre a pung, chow o kong, el par de ojos no entra en esta consideración.

1 fa'an

la madjan poi gunma lo vomei be la tcaus be'o jo'u lo kanla remei
la pon .a la kon vu'o pe lo sevzi brife
la pon .a la kon vu'o pe lo jitro brife
lo xrula .a lo citsi vu'o pe lo sevzi brife to ro xrula ja citsi cu se tcita lo namcu poi ke'a te ckini xycy lo brife .i li pa cu srana lo stuna .i li re cu srana lo snanu .i li ci cu srana lo stici .i li vo cu srana lo berti toi
no xrula .e no citsi
lo nu mo'u zbasu ta'i lo nu lebna fi lo bitmu
lo nu mo'u zbasu sepi'o lo bitmu ke romoi tapla noi se lebna gi'a se cpedu .i la'e di'u se cmene lu nu lebna lo lunra lo cnita be lo xamsi li'u
lo nu mo'u zbasu sepi'o lo tapla poi se lebna ki'u lo nu zbasu lo kon

2 fa'an

lo ro xrula
lo ro citsi

3 fa'an

la madjan poi gunma lo vomei be la pon .a la kon be'o jo'u lo kanla remei
lo xabycurve xance to ro tapla cu cmima lo mintu girzu .a lo nobli toi

4 fa'an

lo ci cmalu drakone to ge lo re drakone me la pon .a la kon gi lo drakone remei toi

6 fa'an

lo curve xance to ro tapla cu cmima lo mintu girzu toi

10 fa'an

lo mipri jmemei to lo vo mipri me la pun .a la kon toi
lo me la kon romei to lo vo me la kon jo'u lo kanla remei toi
lo ci barda drakone to lo ci drakone me la pon a la kon toi
lo vo cmalu brife to ge lo ci brife e la pon .a la kon gi lo brife remei toi
lo nobli romei to ge lo vo brife ja drakone me la pon .a la kon gi lo brife ja drakone remei toi
lo fanmo romei to ge lo vo me li pa .a li so me la pon .a la kon gi lo me li pa .a li so boi remei toi
lo xunjme drakone to ge lo xunre drakone me la pun .a la kon gi ro drata cu cukla toi
lo ri'ojme drakone to ge lo crino drakone me la pun .a la kon gi ro drata cu bambusa toi
lo labjme drakone to ge lo blabi drakone me la pun .a la kon gi ro drata cu lerfu toi
lo sutra xance to lo nu zbasu la madjan ca lo pamoi kelka'u toi

galfi la fa'an lo kelsi'i


fa'an	kelsi'i	se tolyle'a tapla	bitmu tapla
0	1	1+1+2 = 4 kelsi'i	----
1	2	2+2+4 = 8 kelsi'i	4+4+4 = 12 kelsi'i
2	4	4+4+8 = 16 kelsi'i	8+8+8 = 24 kelsi'i
3	8	8+8+16 = 32 kelsi'i	16+16+16 = 48 kelsi'i
4,5,6	16	16+16+32 = 64 kelsi'i	32+32+32 = 96 kelsi'i
7,8,9	32	32+32+64 = 128 kelsi'i	64+64+64 = 192 kelsi'i
10 o +	64	64+64+128 = 256 kelsi'i	128+128+128 = 384 kelsi'i

xrula jo'u citsi

ni'o lo xrula jo'u citsi tapla cu selfu fi po'o lo nu cpacu lo kelsi'i

ni'o lo kelci ca lo nu lebna lo xrula ja citsi le bitmu cu punji xycy lo diklo be lo tolmipri fau lo nu lo crane cu gapru .i ba bo lebna lo drata tapla le morsi bitmu

ni'o ro kelci ca lo nu fatri lo tapla ca lo cfari cu jarco lo xrula ja citsi poi se fatri ku'o gi'e porsi lebna lo basti tapla le morsi bitmu co'a lo stuna

drata javni

ni'o lo dei javni cu traji lo ka sampu .i lo drata javni noi pluja zmadu cu ta'e frica fi lo ka kelsi'i kanji ta'i makau