Difference between revisions of "du la .linys. .torvoldz."

.i galfi lo cmene be lo pagbu
m (.i mi cikre pa ciska se srera)
(.i galfi lo cmene be lo pagbu)
ni'o la '''.linys. .torvoldz.''' no'u la'o fy. ''Linus Benedict Torvalds'' .fy. noi jbena fi li pa so xa so pi'e pa re pi'e re bi cu kulnrsu'omi joi merko je cu skezu'e lo samtci je cu ralju favgau [[la .linuks.]] noi [[samcmuralju]] je noi pu ca'o se pilno so'i [[lo .linuks.]] noi samcmu je cu mu'a se cmima [[la .android.]] jo'u [[la .krom. poi samcmu]] .i ji'a ly ty. pu finti [[la .git.]] noi fatri ke farvi jitro ciste jo'u [[.sypsrfys.|la .sypsrfys.]] noi samtci lo nu vreji ja platu fi lo nu nityjirkla .i la'o gy. ''Technology Academy Finland'' .gy. pu salci lo nu ly ty. finti pa cnino ke zifre samcmu kei jo'u tu'a la'o py. ''山中 伸弥'' .py. lo nu dunda la'o fy. ''Millennium-teknologiapalkinto'' .fy. pe li re no pa re vo'e .i ji'a ly ty. te dunda la'o gy. ''IEEE Computer Society Computer Pioneer Award'' .gy. pe li re no pa vo ge'u jo'u la'o gy. ''IEEE Masaru Ibuka Consumer Electronics Award'' .gy. pe li re no pa bi
 
== ni'o ni'o ni'o sei casnu be le nunji'e je le jibri ==
 
=== ni'o ni'o sei casnu le krasi nanca ===
ni'o la .linys. .torvoldz. pu jbena fi li pa so xa so la .xelsinkis. ne lo gugdefu'i .i ly ty. panzi la .anas. .torvoldz. je la [[.nils. .torvoldz.]] vu'o noi na'o te nuzba ku'o je cu se riryrirni la'o fy. ''Leo Törnqvist'' .fy. noi skepre lo datni ku'o je la'o fy. ''Ole Torvalds'' .fy. noi na'o te pemci .i ro le re rirni be ly ty. pu no'e fadni va la'o fy. ''Helsingin yliopisto'' .fy. noi balcu'e ku'o ca le dekna'a poi cfari ca li pa so xa no .i lei lanzu pe ly ty. cmima lo xabme'a poi se bangu lo bangrsfe'enska .i ly ty. se mitcmepre [[la .linys. .poling.]] noi merko je cu skepre lo xumske je cu te dunda [[la .nobel. .praiz.]] .i ku'i bo ly ty. cusku fo la'o gy. ''Rebel Code: Linux and the Open Source Revolution'' .gy. noi cukta ku'o lo se du'u ly ty. jinvi lo du'u la .linys. poi selylispre [[la .pinyts.]] cu dunli mitcmepre kei je cu te se pinka lo du'u pe'a ly ty. te dunda be la .nobel. .praiz. be'o ke xumske skepre jo'u cu ralte be lo ckagai ku se muvyxra