du la .linys. .torvoldz.: Difference between revisions

ni'o la '''.linys. .torvoldz.''' cugoi ly. du la'o zoi. ''Linus Benedict Torvalds'' .zoi .i ly ty. jbena fi li ny. pa so xa so ly. pa re dy. re bi .i ly ty. kulnrsu'omi joi merko .i ly ty. skezu'e lo samtci .i ly ty. ralju favgau [[la .linuks.]] noi [[samcmuralju]] je pu co'a se pilno so'i me la .linuks. ku samcmu cei broda .i [[la .android.]] je la .kromo'es. cu mupli lo ka ce'u broda .i ly ty. finti [[la .git.]] ji'a noi fatri ke farvi jitro ciste je [[.sypsrfys.|la .sypsrfys.]] noi samtci lo nu vreji ja platu fi lo nu nityjirkla .i la .teknaladjis. .akademis. .finland. pu cnemu ly ty. fa'u la'o zoi. ''山中 伸弥'' .zoi lo ka ce'u pu finti pa zifre samcmu poi cnino kei fa'u zo'e la'o zoi. ''Millennium-teknologiapalkinto'' .zoi pe li ny. re no pa re .i ji'a cnemu ly ty. fo la'o zoi. ''IEEE Computer Society Computer Pioneer Award'' .zoi pe li ny. re no pa vo ge'u je la'o zoi. ''IEEE Masaru Ibuka Consumer Electronics Award'' .zoi pe li ny. re no pa bi

ni'o ly ty. no'u la .linys. .torvoldz. pu jbena fi li ny. pa so xa so la .xelsinkis. pe lo gugdefu'i .i ly ty. panzi la .anas. .torvoldz. je la [[.nils. .torvoldz.]] vu'o noi na'o te nuzba .i ly ty. se riryrirni la'o zoi. ''Leo Törnqvist'' .zoi noi skepre lo lairtcinyske ku'o je la'o zoi. ''Ole Torvalds'' .zoi noi na'o te pemci .i ro rirni be ly ty. pu trucu'u mutce va la'o zoi. ''Helsingin yliopisto'' .zoi noi balcu'e ku'o ca lo dekna'a poi cfari ca li ny. pa so xa no .i lo lanzu be ly ty. cu cmima lo xabme'a poi se bangu lo bansuve'e .i ly ty. se mitcmepre [[la .linys. .poling.|la .linys. .polin.]] noi merko je cu skepre lo xumske je cu se cnemu fo [[la .nobel. .praiz.]] .i ku'i ly ty. cusku fo la'o zoi. ''Rebel Code: Linux and the Open Source Revolution'' .zoi noi cukta ku'o fe lo se du'u pe'i dai la .linys. poi selylispre [[la .pinyts.]] ji'a cu dunli mitcmepre ly ty. kei je lo se du'u pe'a ly ty. se cnemu be fo la .nobel. .praiz. ku ke xumske skepre je cu ji'a ralte be lo ckagai ku selylispre