.velikotrnovos.: Difference between revisions

ni'o la'o zoi. '''Велико Търново''' .zoi goi la '''.velikotrnovos.''' cu [[tcadu]] gi'e zvati lo bertymidju be lo [[bylgAri,as|bolgaro zei gugde]] .i zo'agve fa vy. la [[la iantra]] ku noi ke'a [[rirxe]] .e lo berti korbi be la [[la stara planina]] ku noi ke'a [[cmana|cmanytu'a]] .i vy. laldo ma'i tu'a lo tcadu pe lo bolgarogu'e gi'e ci moi lo ba'o raltca be by .i metfo fa vy. lo nu lo bolgarogu'e cu zifre gi'e jecta .i cu'u<ref>http://www.grao.bg/tna/tab02.txt</ref> lo catni de'i li ny. 2016 ly. 3 dy. 15 xabju la .velikotrnovos. fa 71 ki'o 168 remna

ni'o lo tumla pe lo tcadu cu se pagbu so'o cmama'a noi sepsi'u la iantra ku noi bu'u kruvycfu .i me lo bi'u nai cmama'a fa la [[la sfetagora]] .e la .[[.tsarevets.]]. e la [[la trapezitsa]] .i lo tarmi be lo tumla cu jai bapli lo nu lo dinju cu mo'e su'o na'e fadni va'e lo ka denmi .i jalge fa lo nu simlu fa su'o dinju lo ka cpana su'o drata dinju

ni'o ca ku la .velikotrnovos. cu raltca [[.velikotrnovos. (to gugypau toi)|lo gugypau poi cmedu'i ri ku'o]] gi'e stuzi so'o truci'epau .i zvati vy. fa [[la balcu'e pe bu'u la .velikotrnovos. zi'e pe la .kiril. jo'u la .metodis. vu'o noi censa]] ku ji'a

ni'o de'i li ny. 1187 snada fa lo nu trupro fa [[la .asen. pa moi|la .asen.]] jo'u [[la .te'odor.petr.|la .petr.]] kei lo ka famgau xoi ninke'u se'u lo nu lo latmrbizanto cu turni .i ca bo co'a turni fa lo [[bolgaro jecta re moi]] ku noi la .trnovos. ke'a raltca .i ze'a lo nu lo go'i cu turni zo'u lo tcadu cu misno lo menkini<!-- !!! --> be lo trucu'upre jo'u lo jiknypre jo'u lo larpre bei lo ka me lo rontu'a moi ku<!--- KOMICIKRE ---> gi'e stuzi pa ckule co pirfi'i .e pa ckule co ciskyfi'i vu'o ne [[la .eftimi pe la .trnovos.|la noi censa ku'o .eftimi]] jo'u [[la .te'odosis. pe la .trnovos.|la .te'odosis.]]