la .linys. .torvoldz.: Difference between revisions

=== krasi nanca ===

ni'o ly. no'u la .linys. .torvoldz. pu jbena fi li ny. pa so xa so la .xelsinkis. pe lo gugdefu'i .i ly. panzi la .anas. .torvoldz. je [[la .nils. .torvoldz.]] vu'o noi na'o te nuzba .i ly. se riryrirni la'o zoi. ''Leo Törnqvist'' .zoi noi skepre lo lairtcinyske ku'o je la'o zoi. ''Ole Torvalds'' .zoi noi na'o te pemci .i ro rirni be ly. pu trucu'u mutce va la'o zoi. ''Helsingin yliopisto'' .zoi noi balcu'e ku'o ca lo dekna'a poi cfari ca li ny. pa so xa no .i lo lanzu be ly. cu cmima lo xabme'a poi se bangu lo bansuve'e .i ly. se mitcmepre [[la .linys. .poling.|la .linys. .polin.]] noi merko je cu skepre lo xumske je cu se cnemu fo [[la .nobel. .praiz.]] .i ku'i ly. cusku fo la'o zoi. ''Rebel Code: Linux and the Open Source Revolution'' .zoi noi cukta ku'o fe lo se du'u pe'i dai la .linys. poi selylispre [[la .pinyts.]] ji'a cu dunli mitcmepre ly. kei je lo se du'u pe'a ly. se cnemu be fo la .nobel. .praiz. ku ke xumske skepre je cu ji'a ralte be lo ckagai ku selylispre