citri lo glibau: Difference between revisions

Content deleted Content added
No edit summary
No edit summary
Linji 1
ni'o ni'o 0 mo'o lo glibau goi ko'a cu se banlanzu to'u loi xinjoiro'o .i to'u nai ko'a ce lo do'orbau ku ce lo bangrnederlanda ku ce lo bangrfrizi ku ce lo drata poi bangu cu cmima lo'i sicydo'o bangu poi lu'o ke'a klesi loi dotco bangu poi klesi lo xinjoiro'o banlanzu .i ku'i so'i lo ze'e nunvlafu'i pu se jalge lo du'u pi xa lo cabna rolvla pu farvi fi lo valsi be fi lo la'orbau .i loi tadni cu na'o fendi lo ko'a citri lo'i vo pagbu no'u lo tolci'o glibau to lirgli toi ku ce'o lo midju glibau ku ce'o lo purci ke cabna glibau ku ce'o lo cabna glibau
 
== srana lo tolci'o glibau noi pu renvi de'i li ji'i 0450 bi'o ji'i 1066 ==
ni'o 1 pi'e 1 mo'o lo nu lo latmo sosygugje'a pu ca'o turni so'e lo ritplu cu nanca li ji'i 350 .i ba zi lo go'i cu co'a vimcu loi sonci lo daplu de'i li 0410 te zu'e lo nu tsaze'a badgau fi lo midju be vo'a .i ba lo nu loi latmo cu cliva kei ku loi natmrkrutne cu cafne gunta loi ritko'o .i se mu'i bo ri cpedu fi lo dotco natmi fe lo nu vo'i sidju vo'a lo nu badgau lo ri tutra de'i ji'i li 0450 .i lo natmrsaksa cu klama gi'e jinga fi lo natmrkrutne .i ku'i nelci lo ritplu .i se mu'i bo lo go'i joi natmrfrizi joi natmrxiutu joi natmrlangla ku cu gunta loi ritko'o .i ba'o ponse so'e lo ritplu de'i li ji'i 0650
 
ni'o 1 pi'e 2 mo'o lo tolci'o glibau goi ko'e cu mutce vlatikykai ca lo nu co'a se banta'a .i ku'i lo nunvlastika cu ze'u lujyjdika .i ri'a bo tu'e pa mai so'i loi selbau cu ke se sadgunta je tolselctu ke'e ritko'o tercange .i je re mai ko'e cu bangu co cabna lo tolci'o berdo'obau noi jibni ko'e lo ka ckini zi'e noi bangu lai vIkingr. poi ke'a gunta lo gligu'e ce'o co'a xabju ri de'i li 0790 bi'o ji'i 1040 ku'o .i je ci mai lo drata cu fasnu tu'u
 
ni'o 1 pi'e 3 mo'o lo nu loi glico co'a birti lo xi'ojda ku de'i li 0597 cu jmina so'i lo valsi be fi lo la'orbau ku .e lo xesybau be'o ko'a .i je la vIkingr. cu jmina lo valsi be fi lo tolci'o berdo'obau be'o noi so'i lo se farvi be fi ke'a cu valsi be fi lo cabna glibau
 
ni'o 1 pi'e 4 mo'o la bE,o,uulf. noi bralisrypemci cu balrai lo'i selfi'i be bau lo tolci'o glibau
 
== srana lo midju glibau noi pu renvi de'i li ji'i 1066 bi'o ji'i 1500 ==
 
ni'o 2 pi 1 mo'o lo natmrnormanda poi klesi lai vIkingr. lo ka pu co'a xabju la normandIs. gi'e co'a banta'a lo tolci'o fasybau ku'o zi'e poi se turni la uiliym cu sadgunta le gligu'e de'i li 1066 .i lo go'i cu lebna so'a lo kamca'ijibri gi'e ru'i banta'a lo fasybau noi selme'e lu lo bangrgliconormanda ne'i lo gligu'e .i lu lo midju glibau li'u cu cmene ko'a be ba lo nu sadgunta
 
ni'o 2 pi'e 2 mo'o so'a loi glico selbau cu tercange .i se ki'u bo lo nu ko'a jai bau se ciska cu tolcafne .i se ki'u bo lo nunvlastika po'e ko'a cu ru'i sapyze'a .i lo fraso bo selbau ke ciskyseljibri jo'u jdaka'i cu na'o ciska so'e lo selci'a be bau ko'a .i je lo go'i so'i roi ci'armatygau lo glico bansna lo fraso lerfu .i je smadi be fi lo tolsau ke glico bansna. i lo temci pe lo midju glibau cu krasi lo ni lo lerfu pe lo cabna glibau cu to'e mapti lo ri bansna
 
ni'o 2 pi'e 3 mo'o lo gligu'e cu jamna lo fasygu'e soi vo'a vo'e de'i li 1202 bi'o 1214 .i ja'e bo la djon poi glico nolraitru cu cirko la normandIs .i lo nobli poi ponse lo tumla be lo re tutra poi lamji la glico naxle cu bilga ge lo nu cuxna pa lo re gugde poi vo'a ba tcejunri nupre lo nu se turni lo nolraitru be ke'a ku gi lo nu cirko lo tumla be lo drata gugde .i lo si'o glico natmi cu co'a sevzi lo go'i poi cuxna lo gligu'e .i je lo ni lo glibau cu se banta'a lo s go'i cu ze'u zenba .i ca'o bo lo glico nobli cu jmina su'o re xecto be lo valsi be fi lo fasybau be'o ku lo glibau .i lo ni lo valsi cu se jmina cu traji ca lo 14moi ctona'a
 
ni'o 2 pi'e 4 mo'o lo nu la xekri nunmrobi'o noi terbi'a cu pa re'u se bevri fi lo gligu'e de'i li 1348 .i lo nu lo prenu cu mrobi'o ri'a xy ny cu rinka lo ni lo gunka cu na banzu .i lo se go'i cu rinka lo nu loi xanpligu'a poi banta'a lo glico cu rifyze'a .i ca bo lo ni lo tcadyxabju vecnu cu banta'a lo glibau cu zenba .i lo re nunze'a e lo drata cu rinka lo nu lo ni lo glibau cu se banta'a cu zenba
 
ni'o 2 pi'e 5 mo'o la kAnterbyrix teilz noi la djefris tcoser tolmulno famgau de'i me'i li 1400 cu balrai lo'i selfi'i be bau lo midju glibau
 
== srana lo purci ke cabna glibau noi pu renvi de'i li ji'i 1500 bi'o ji'i 1650 ==
 
ni'o 3 pi'e 1 mo'o ca'o lo nu la reneisans cfari ku fe lo ka klani cu zenba fa lo glico prenu poi jinvi lo du'u lo ri bangu cu dunli lo la'orbau e lo fasybau lo ka jai bau kakne co cusku ro sidbo .i se mu'i bo re mei cu cabna fasnu .i pa mai lo finti cu troci lo nu zbasu lo ve drani be fe lo ka lerfendi e lo ka gerna e lo ka valsi se cuxna .i re mai se zenba fa lo ni valsi be lo la'orbau be'o poi se fukpi .i lo nu fukpi cu cfari ca'o lo temci pe lo midju glibau .i loi fu'ivla cu cusku lo sidbo poi mapti no valsi be fi lo glibau na gi'o se pilno fi lo nu basti lo ca valsi be lo panra ca'o lo nu junri je vajni finti .i la uiliym ceikspir joi so'u drata finti cu traji lo ka fu'irgau lo valsi be fi lo glibau be'o lo valsi be fi lo fange .i su'o re vlastocku be loi cnino je nandu valsi cu co'a se prizba je fatri te zu'e lo nu sidju loi finti lo nu pilno ra
 
ni'o 3 pi'e 2 mo'o ca'o lo nu purci ke cabna glibau ku ko'a cu lifri lo barda ke karsna nunficybi'o .i zu'u ro tordu karsna pe lo purci ke cabna glibau cu mintu ra pe lo cabna glibau .i zu'u nai ro lo clani karsna co'a mutce ficybi'o de'i lo 15moi ctona'a .i ji'a loi to'e se basna karsna cu binxo lo se sinxa be me'o y bu .i loi sinxa be lo karsna cu stodi ca lo nu lo karsna cu ficybi'o .i ro da poi lerfu fi le darsna zo'u ja'e tu'e lo glico te lerfu be fi da cu frica lo drata ropno te lerfu be fi da .i je bo lo ni lo selci'a valsi cu mapti lo selbacru panra valsi cu ze'u jdika .i zu'u lo nu lo nau selbau cu tcidu loi selfi'i be la ceikspir cu na'e nandu .i zu'u nai lo nu ra jimpe tirna lo selbacru be lo purci ke cabna glibau ce je'a nandu tu'u
 
ni'o 3 pi'e 3 mo'o loi selfi'i be la ceikspir be'o ku e lo xe fanva be fe lo xi'orcesycku be'o pe la djeimyz poi nolraitru ge'u poi se mulgau de'i li 1611 cu balrai lo'i selfi'i be bau lo purci ke cabna glibau
 
== srana lo cabna glibau noi pu pu'o renvi de'i li ji'i 1650 ==
 
ni'o 4 pi'e 1 mo'o lo nu pa'ergau lo glibau ku je nu zbasu lo ve drani be fo ko'a cu se tcegunka ca'o lo so'o bavlamji ctona'a .i la'e vo de'e cu misno nuntoi to .i vo misno nuntoi cu se cisku toi
 
* .i 1 mai la djOnatan suift cu stidi lo nu lo kamni be te zu'e lo nu fe lo glibau ku xagmaugau je stogau be'o cu se zbasu .i loi fraso e loi natmrtalia pu ba'o zbasu lo panra kamni .i je'u loi glico cu zbasu no panra kamni .i je ku'i lo nu casnu ri cu ctuca so'i glico ge lo du'u lo bangu ka'e se prali fi lo nu troci co sagmaugau ri gi lo du'u no da ro de poi bangu zo'u la'a da ka'e fanta lo nu de ba ru'i farvi
 
* .i 2 mai lo pa moi cukta be lo selski gerna be lo glibau cu se gubgau de'i li 1734
 
* .i 3 mai la samiu,yl djonson cu mulgau lo pa moi nuntoi be fi lo nu finti lo mulno ke glico vlastocku be'o ku de'i li 1755
 
* .i 4 mai lo glico vlastocku pe la oksford ge'u noi ke mulno je tcilykai ke'e pixra be ro ze'e glico valsi cu se finti de'i li 1858 bi'o 1928
 
ni'o 4 pi'e 2 mo'o ca lo nu temci lo cabna glibau kei ku lo ritygu'e cu zbasu lo ri fa'a di'i terdi sosygugje'a .i pu lo nu lo 19moi ctona'a cu fanmo kei lo ritygu'e cu turni lo tumla be ne'i ro braplu .i ja'e bo tu'e lo glibau cu binxo lo bangu poi ke pa moi jo nai re moi ke'e te cilre ne'i loi brito tumla .i je bo lo ka klani cu se zenba lo bangu joi banlanzu ku poi krasi lo valsi poi ko'a fu'irgau ke'a tu'u
 
ni'o 4 pi'e 3 mo'o lo brito e lo merko cu certu lo gundi e lo saske e lo cemske e lo samske .i ja'e bo finti so'o xecto valsi poi skicu lo cnino ke sidbo joi mi'irlarcu .i je lo banta'a be lo drata bangu cu fu'irgau fi lo cnino ke glico valsi
 
== srana lo nau glibau ==
 
ni'o 5 pi'e 1 mo'o lo glibau cu nau vajrai lo'i bangu loi vrici selbau poi simxu casnu .i ko'a cu pa moi lo'i selcli bangu be ji'i 400 ki'o ki'o prenu .i je ko'a cu re moi lo'i selcli bangu be za'u 350 ki'o ki'o prenu .i je ko'a cu bangu co truci'e fi za'u 50 gugde .i lo'i xa bangu poi selpli fi lo nu zbasu loi lojbo gismu ku cu se cmima ko'a ce lo jugbau ku ce lo xinbau ku ce lo sanbau ku ce lo rukybau ku ce lo rabybau