fla,ui,us.klaudius.iulianus: Difference between revisions

ni'o la iulianus cu selme'e lu lo jdali'a li'u a va'i zoi ly apostata ly pe bau lo la'orbau loi xriso i ki'u bo lo te go'i cu krici lo du'u ko'a ba lo za'i xriso cu binxo lo nalje'o i da'i nai lo nu ko'a xriso kei ve cu'u loi sivni xatra be la libanius poi gubyskucre bei ko'a cu se bapli ca lo nu ko'a verba i je ko'a pu stace seljda no da pu lo nu tcidu loi pemci be fi la [[la'o zoi Homeros Ὅμηρος zoi|omeros]] be'o poi cmima lo'i vajnyrai selci'a pe lo xelso lijda i ko'a ba lo bi'u nai nunbi'o be fi lo seljda be lo xelso cu nupre lo nu badgau fi ri e si'a lo drata lijda be mu'u lo [[brojda]] lo nu loi xriso cu nandygau fi ra i ji'a ko'a nupre lo nu loi bi'u nai nalje'ojda gau vo'a cu za'u re'u misno je snura {{nagendra}}

ni'o ko'a ta'i lo nu sfasa cu sisti lo zu'o loi nalje'o cu se gunta e lo zu'o loi ra malsi cu se daspo i lo se go'i pu selyli'e lo nu la poi banli konstantinus cu jecta sarji lo xi'ojda be ci'e lo kamni pe la nikaias i ta'o ko'a ca'o lo nu ci'ormau je tadni be bu'u la [[la'o zoi Athina Αθήνα zoi|atinas]] cu pu co'a selsau re nanmu poi ba zu catlu bo jdaca'i je cesyvu'e ku'o zi'e po'u la gregorius pe ra'i la nazianz joi la poi banli basileios i ta'o nai lo xi'ojda to'e ki'u nai lo nu la konstantinus pu flaxaugau xy cu na jecta ke terca'i lijda pu lo nu la poi banli teodosius de'i li no ci bi no bi'o no ci so re cu xusra lo du'u xy ja'a co'e i la konstantinus joi so'o selyli'e be ri cu fanta lo zu'o loi nalje'o malsi cu se cikre i ji'a so'i malsi fa'u nalje'opre ca lo nu lo go'i cu ca'o turni cu se daspo fa'u se catra i lo bi'u nai nolraitru cu zanru ja minde ju'o cu'i je na'e fanta ju'o la'e di'u {{nagendra}}

ni'o ko'a xelfla lo nu fanta lo nu lo xriso ctuca cu pilno loi nalje'o cukta be mu'u la [[la'o zoi Ilias Ἰλιάς zoi|iliad]] be'o noi jicmu lo latmo terctu i la'e di'u noi nu seirgau loi xriso tadni lo latmo jikca bo cecmu cu tertoi lo nu jdikygau loi xriso ckule lo ni vlipa kei li pi so'o i ji'a lo go'i cu nungunta fi da poi ko'a jinvi lo du'u ke'a tolstace i sa'u nai te go'i fa lo du'u loi xriso ckule cu ctuca fi lo du'u la [[biblion]] po'o cu sabji loi selju'o kei gi'e ca bo ctuca fi loi nalje'o selci'a ji'a noi lo za'i ke'a slabu de cu selnitcu de lo nu snada se pa'u lo latmo cecmu {{nagendra}}

ni'o ko'a de'i li no ci xa re cu cfagau lo nu klama loi natmrfarsi la konstantinupolis te zu'e lo nu gunta vo'e i ko'a cu se xlali gidva lo pa natmrfarsi za'e bradycmibi'o lo nu gidva lo jenmi lo nu nerkla lo sudytu'a i ko'a ba lo nu ba'o facki la'e di'u cu troci lo nu gidva lo jenmi lo nu klama lo latmo korbi poi jy bu'u ke'a cu snura da'i i ko'a ca lo nu ca'o xrukla kei de'i li no ci xa ci pi'e xa pi'e re xa cu mrobi'o ca lo nunda'a be bu'u la ktesipon be'o noi loi latmo cu jinga fo ke'a zi'e ku'i noi ba bapli lo nu ly jinga fo lo nunjamna i ko'a na pu dasni lo za'e badgauta'u se ja'e lo nu birti lo nu ba jinga kei a lo nu sojypa'a je tolmo'i i ja'e bo se xrani lo selrenro balre gi'e mrobi'o i la iulianus cu bavla'i selyli'e la poi nolraitru [[la'o zoi Flavius Claudius Iovianus zoi|io,ui,anus]] poi ba zi mrobi'o {{nagendra}}