lo gugde: Difference between revisions

ni'o va'o lo [[tumske]] zo '''gugde''' valsi lo tumla canlu .i ka'e se smuni lo [[jecta terfendi|terfendi]] ja tutra pe lo [[zifyje'a]] .a lo mau cmalu ja narcabna jecta .i lo pu zifyje'a ka'e za'o smuni mu'u la [[inglando]] .e la [[sko'otlando]] vu'o noi pagbu la [[bri'ito]] gi'e na zifyje'a .i la [[berti erlando]] fa'u la [[.uelcu]] ta'e te jinvi lo du'u [[gugypau]] fa'u [[nolgugypau]] .ije go'i lo du'u sei simxu se'u gugde kei va'o lo nu casnu lo [[pagygu'e]] be la [[.unke]] .i lo pu zifyje'a pe mu'u la [[bai'arno]] ( ca pagbu la [[jdoico]] ) .e la [[pienmote]] ( ca pagbu la [[iltalia]] ) ta'enai te jinvi lo du'u gugde .i lo ni jdizi'e po lo na'e zifyje'a gugde cu mutce te frica .i so'o da se ponse lo zifyje'a fau lo nu da [[lactergu'e]] gi'e se xabju lo steci frica kei mu'u la [[bri'ito plurvardjino]] .e la [[enderla .antile]] .e la [[steito asmo'a]] .i lo tai lactergu'e so'o roi binxo lo gugde se liste pa'a lo narlacri zifyje'a gi'e ji'a te jinvi lo du'u [[prakra gugde]] va'o lo gugykruca nu canja ku mu'u la [[xonkno]]