gombesa: Difference between revisions

ni'o le '''gombesa''' be la'o ly. ''Latimeria chalumnae'' .ly te facki fi la MARdjoris. letimr. de'i li 1938 .i le fipkalte bloti cu kavbu lo [[ranbo'ufi'e]] vi la tcalumnas. noi rirxe .ije la MARdjoris. noi muzga kurji gi'e ta'e sisku le ka cizra finpe le marbi cu viska lo blanu fipnalci noi cnita ry .i my vimcu le finpe le derxi gi'e bevri fy. le muzga tezu'e lenu facki lelo sedu'u finpe ma kau .i la jylybys. smit. noi skepre cu se spaji lenu viska le finpe kei mu'i lenule du'u simsa lo finprkoilakanto noi te djuno fo le rokyvei ku po'o

ni'o sisku le ka finprkoilakanto piro le munje .ico'ubo facki le ka zvati la [[koMOR]]. i le'e prenrkomoro cu se spaji lenu pleji le mutce jdini fo lo gombesa noi xagme'a je vitci bo snuti bo selkavbu finpe .i le prenrkomoro ca jimpe le kadu'u vajni befa le vodu'au selckape jutsi kei kei gi'e platu fi lenu xruti ro vitci selkavbu gombesa le condi djacu tezu'e lenu ca'o jmive

ni'o de'i li 1997 la .arNAZ. joi la mark. erdman. cu speli'u la [[bidgug]]. gi'e viska le cizra finpe mo'ine'i le zarci be vi la manadon. tu,as. .ije le speni cu zgaju'o le kadu'u gombesa fa le finpe .iku'i ri bunre gi'enai blanu to lai .erdman na djuno le du'u cnino jutsi kei pu lenu le certu cu viska le kacmyxra nese pi'io la .ueb. toi .i le jutsi noi se valsi zoi by. rajah laut .by le [[bindo]] cu saske se cmene zoi ly. ''Latimeria menadoensis'' .ly