tokiponas

la'o zoi. toki pona .zoi goi ko'a cu runbau .i ko'a se cmene zoi zoi. toki pona .zoi bau vo'a .i la'o zoi. jan Sonja .zoi finti ko'a .i ko'a mutce sampu ki'uleka se jicmu le gerna belo natpenbau .iji'a ko'a simsa lo natpenbau leka so'uda cu valsi fi ce'u .ibo lei ty valsi cu papabimei po'o

.iga'i ko'a cu bangu loi fenki ni'ileza'i ri krici ledu'u lenu jimpe cu cumki lenu pilno papabi po'o valsi

	toki pona
no	ala
pa	wan
re	tu
ci	mute
vo	mute
mu	mute
xa	mute
ze	mute
bi	mute
so	mute
pano	mute

ni'oni'o banba'uci'e

le banba'uci'e ji'a bela tokiponas. cu sampu .i so'u92 da slaka ko'a .i di'e cu slaka

a	ka	la	ma	na	pa	sa	ta	wa	ja
e	ke	le	me	ne	pe	se	te	we	je
i	ki	li	mi	ni	pi	si		wi
o	ko	lo	mo	no	po	so	to		jo
u	ku	lu	mu	nu	pu	su	tu		ju
an	kan	lan	man	nan	pan	san	tan	wan	jan
en	ken	len	men	nen	pen	sen	ten	wen	jen
in	kin	lin	min	nin	pin	sin		win
on	kon	lon	mon	non	pon	son	ton		jon
un	kun	lun	mun	nun	pun	sun	tun		jun

.i lepu'u bacru zoi .ty. ti ji wo wu .ty. cu nandu da'i le'e se bangu bela tokiponas. .i ga lo karsna po'o cu slaka gi le slaka cu li'erpau lo valsi

ni'o so'e se bacru te lerfu cu simsa lo lojbo .iku'i zoi .ty. j .ty. cu te lerfu filo lojbo se bacru po'u zoi .ly. i .ly .imu'a ri simsa le se bacru pe zo .ia .iji'a zoi .ty. w .ty. cu te lerfu filo lojbo se bacru po'u zoi .ly. u .ly .ibo ri simsa le se bacru pe zo .ue

ni'o le se bacru te lerfu po la tokiponas. cu mutce mleca le lojbo leka satci .i pada cu lerfu fi lo voksa .e lo to'e voksa

ni'oni'o gerna

le gerna beko'a cu mutce sampu .i gy cu jicmu le gerna bela tokpisin. noi sampu natpenbau .i lo gauvla cu pamoi le'i jufra valsi .i gonai zoi .tok. mi .tok. no'u zo mi ge'u .a zoi .tok. sina .tok. no'u zo do cu gauvla gi zoi zoi. li .zoi no'u zo cu cu te sepli lo gauvla lo bridi