lo cipni

ni'o lo cipni goi ko'a cu skoselti'e danlu gi'e tolcau lo nalci se farvi crane birka noi se farvi tezu'e lonu vofli .iku'i me'i piroko'a cu vofli .i ko'a sanli ja cadzu ja pi'edzu le ko'a tuple po'o .i le ko'a xadni cu se gacri lo pimlu .i lo cabna cpimo'u cu claxu lo denci gi'e se gacri lo jirnylanbi .i ko'a seljbe lo sovda gi'e glaku'i ri ca'o lo nunfarvi

lo spitaki cu nicygau lo pimlu

ni'o krasi

.i lo pamoi cipni cu tolcanci ca lo cedrnjura puzu lo megna'a be li 150 bi'i 200 gi'e mutce simsa lo kevyrebrespa noi dinsauro la'o ly. Theropoda .ly .i lo .arxeopteriga cu prurai ke rokyvei cipni .i ro stali dinsauro jenai cipni cu jutmrobi'o ca le tersepli be lo bakrycedra bei lo cibmoicedra .i su'opa lo cabna grijutsi be loi cipni cu purci le nu jutmro .imu'ubo la'o ly. Vegavis .ly. prurai ke rokyvei datka